قصيدة ملامح بقلم الشاعر المصري أحمد إبراهيم النجار
بتاريخ ٧/٤/٢٠٢١
شبابيكي قديمة رديئه مكسورة
وع الجدران شقوق خربيش
ولون دامس على الصورة
ودي صورتي بقالها زمان
ملامح وجه كان ضاحك
على الجدران
ملامح حلم كان اتي
لكن راحل مع النسيان
تمر سنين وانا باصص
على صورتي
والمس شعري الأبيض
وتمسك ايدي دي مرايتي
واشوف تجاعيد
وشعر الشيب ملىّ عمري
يذيد حزني ويكسيني
وتنزل دمعه من عيني وتحرقني
وتحرق خدي اليائس مع التنهيد
وشيب واخد كمان أحلام
مع الأيام وأعيش زمني
ومهوش زمني
وأعيش ضايع انا وحلمي
وترجع عيني ع الجدران
على صورتي
ويضرب ريح ف شباكي
بقسوة شديد تمر سنين
على جداري شقوق بتذيد
وانا وحلمي فى عكس طريق
غروب واخد ساعات بتدور
يمر اليوم ويرجع يوم
وتاه النور على بابي
مافيش أصحاب ولا أحباب
ولا حتى الحنين باقي
انين مرسوم على وجهي
أنين مكتوب في أوراقي
واه واهين يا شباكي
على حالك
واه يا بابي من هاجر
هنا اعتابك
واه يا جداري المايل
وايه صابك
واه يا صورة ف البرواز
ترابها مالي اركانك
واه واهين على جسدي
من الأحمال كتير شايل
جبال م الصبر ورعشة برد
تلسعني وانا لابس ثياب أحزان
بقلم الشاعر المصري
احمد ابراهيم النجار
التعليقات مغلقة.