تحصيل حاصل
بقلم أحمد زيدان
انت يا سهران
علشان حبيت
يا اكيد سهران
يا علشان حنيت
تحصيل حاصل
اللوم اوقات يحتاج فاصل
هتعربد ياما في بحر الفكر
هتنام و تقوم ب هموم نفسگ
هتقاوم فكرك ب برائتگ
هتعاند عقلك ب سذاجتگ
ارحم يأسگ
ما أنت الحابب و انت الراغب
تتنازل عن صلب كرامتگ
الفكر الشاطح في التفكير
السكه اللي طواها زمانك
عمرگ مشاوير
السابق لاحق في المواعيد
عشمان بالعيد
بتطارد فرحك ب الأزمات
بتعيش الرحله بتفاصيلها
بتجملها و متحملها
علشان تمشي
مانتش حاسس
عمرك مسروق
مانتش غلطان لكن اسف
بتزق ف عجله صدها سراب
الترس يلف الروح بتجف
محتاج لترين احساس بيا
علي حبة طيبة و حنيه
محتاج اتغير كلياً
محتاج اتعامل جزئياً
محتاج اتعالج نفسياً
محتاج افهم نفسي شويه
محتاج اتخلص من ادمان
الصحبه الزايفه الوهميه
التعليقات مغلقة.