خدودك الرمان كلمات محمد كسبه
بحب الغمازات
إللي في خدودك الرمان
و بموت فيكي
في ساعة الحظ و الروقان
يا حلوة
انا بعشق ضحكتك من القلب
و بعشق صوتك الناعم
في لحظة التوهان
بيدوبني و يسرق كل أحزاني
و يدوب في لحظة بيهدا بركاني
و روحي تروح مني جوه زلزالك
بإحساسك بترجع لي الحياة تاني
علي سحر خدودك الرمان
بطلع لفوق فوق السما السابعة
و انزل و اختفي زي لهيب شمعة
يا مدوبه الروح في جمالك الفتان
فنان انا و إنتي الريشة و الألوان
رسمت الحياة علي شفايفك الحلوين
شجر طارح علي خدودك الرمان
علي صدر القمر مفيش إسياد و عبيد
كله في موسم العنب بيجمع العناقيد
بلمستين من ايدي الصحرا
اتحولت بستان
و بنظرتين منك قلبي اتفرط
زي حبة الرمان
انا عاشق جنونك و إنتي مبسوطة
يللي ضحكتك بتخلي الدنيا مظبوطة
قولي لي بس اعمل إية ؟
و إيه إللي يخليكي مبسوطة
يا أحلي وردة في البستان
بحب الغمازات
إللي في خدودك الرمان
و بموت فيكي
في ساعة الحظ و الروقان
التعليقات مغلقة.