عيش الحياه اشرف الشناوى شاعر عاميه البرامون
اوعى يوم وجعك يهدك
او يشدك يوم لسكه
تروح لها
من غير رجوع
اوعى تقفل مره قلبك
تحبسه بين الضلوع
الحياه اجمل مافيها
يوم بتشبع يوم تجوع
دارى حلمك لو بكفك
مهما طفا الليل شموع
اوعى خوفك
يبقى بحر يغرقك
او سنينك
تجرى منك تسرقك
اوعى خوفك
يوم تسيبه يلحقك
خلى الامل
يرسم تملى
فى ضحكتك
خليها نور دايما
يونس وحدتك
اوعى الجراح يوم تهزمك
او تبعدك عن سكتك
لو يوم وقعت
تقوم تقف
لو خوفت ممكن
تتخطف
دا الورد من حسنه
اتقطف
اوعاك فى يوم
تسقط تخش
المنعطف
او تنكسر زى
الخزف
او تلعب الريح
باللى باقى
فتتحدف
ازاى تطير
لو سيبت ريشك
يتنتف
عيش الحياه
قبل اللى جى مايتحذف
لو مركبك حبة ورق
ماتسيبش نفسك
للغرق
او حلم منك يتسرق
ربك بكلمه
البحر منها بيتفرق
ممكن عصاك
المعجزه
تعمل قلق
ادم بكلمه م الاله
عاش واتخلق
اوعاك تخاف
لو لقمه حاف
زيك آلاف عايشين
عجاف
أما الطغاه ربك حرق …….
التعليقات مغلقة.