في ظل عالم منفصل…بقلم مسعد البحراوي
مصر اللي كانت لم تزل
وهتبقى لنهاية الأزل
في كتاب إله واحد نزل
إن البلد دي تكون أمان
حضن الغريب قبل الجيران
بتوزع الإحسان حنان
وحبلها بربك وصل
متقلقوش على دي البلد
ياما مر مر مالوش عدد
هكسوس تتار او كان حسد
ماهو نهرها بينضح عسل
نابع من الجنه أكيد
منه بقينا جنود حديد
علشانه مات مليون شهيد
ولا عمره عن عينا انفصل
مصر اللي إسمها قد ذكر
في كتاب كريم هدى للبشر
فهل لديكم مدكر
يعي من تكون حبيبيتنا مصر
موجوده من كام ألف عصر
يانصر مين فهمك
إن إنت أصلا تبقى نصر
غير هي مصر
مصر السياده هتعود تسود
طول ما الولاد واقفين أسود
بيحافظوا على ماء الخدود
في ظل عالم منفصل
كلمات/ مسعدالبحراوي
التعليقات مغلقة.