كل الحروف…بقلم شيماء عادل
كل الحروف اتهددت
واتشوهت روحها
حضنت مواجع ضلها
شالت بواقي الصبر من جوفها
اتعطرت بالغدر ياما سنين
تاهت مابين حواديت
كان ياما كان
عجنت بدمع عنيها مركبة للسير
ترمي الحبل ع الاخر
تسحب عمرنا بشويش
نلاقي الضي يتاخر
ونرجع تاني نلقى مفيش
قصاقيص الورق باشت
مع الايام
واهي كل الصحاب بتبان
رموش تلمح دموع عينا وتداري
مانيش خسران
وضي عيوني من غيرك
صبح كسبان
كدبة مزوقة روحها بضحكة الكل يسمعها
حضن العمر من غيرك براح وأمان
ياصبر محلي جوف العمر
من باقي الوجع والزيف
همسة طيف بتشكي وترمي أحزانها
وتيجي تلم أيامها تلاقي مافيش
التعليقات مغلقة.