عامنول بقلم أحمد زيدان
م الاول و دلوقتي و عامنول
علي كيفك
وكيفك فيا تتشافي
و تتعافى ، علي جرحي
تتمادي
و تتدلع علي كيفك
انا راضي
من الاول انا مبسوط
و تحت التوت
بشوفك ضل ، ما يضلش
ف علي كيفك
بيع فيا وانا شاري
حقيقي عجزت عن وصفك
ومن عطفك
مشفتش غير غرام طاير
وانا حاير
مابين روحي اللي بتحبك
وبين غدر الوعود منك
انا موافق
اهين نفسي
ف علي كيفك
و علي راحتك
انا باقي بدون حسابات
و لل معلوم و في المضمون
بلاش تزعل و تتضايق
انا هزيت سنيني معاك
سردت الشعر من يأسي
ومن نفسي
رميتك بيت
في قلب قصيده مرميه
و منسيه ليالي الشوق
ف بص لفوق
قصاد عيني
تملي حقيقه تخفيها
و تعفيها من الجايز
منيش عايز
ولا طايق حياتي معاك
ولا قادر اقول مليت
ولا حليت في يوم منك
ولا بقدر اقول حنيت
معادله حقيقي تتدرس
انا عاجز
التعليقات مغلقة.