قصيدة بعنوان ماضي لماضي الشاعر أحمد محمد شعبان من مصر
يا طير ونازل لحَبَّك
والحَبَّ طارح ما طارح
ارحم قليبي اللي حبك
دوبت فيا المطارح
باللهِ يا حب قله
الفرع من عُوجَهْ مايل
أروي جميلي بقله
ترويني كل الجمايل
محروق وواقف يضلك
لو مارج الظلم سارح
حاسب من اللي يضلك
تمثيله زي المسارح
قالوا على الدرب ضايع
والحب منك بريده
يا طير وناقل بضايع
متجبلي مِنَّهْ بريده
ده القلب كان حلم ساكن
طاير على سرب ريحك
ابني لقربك مساكن
فتهد قربي بريحك
أهل المعاني لاموني
في حبه لما ناداني
جرحي يخالط لموني
يا ريته كان منا داني
يا ورد فاكر جميلك
يوم قلبي كان فيه جرايح
وصل كلامي لجميلك
ده العقل من برجه رايح
واحكي لو العقل ناصح
كيف يشفي جرحي اللي حامي
ده الحق من طبعه ناصح
والرب هوه اللي حامي
الفكر دابت سلوكه
ولا مره كان ليا سامح
يا ريته عدل سلوكه
أو حتى كان يوم يسامح
التعليقات مغلقة.