الحق أصبح شئ غريب كلمات الشاعر المصري أحمد إبراهيم النجار
بتاريخ 13/6/2021
هو ليه
الحق أصبح شئ غريب؟
هو ليه
الظلم طاعن فى البريئ؟
هو ليه
أصبحنا ليه عكس الطريق؟
ليه يا دنيا الحق فيكي
شئ مريب
والظلام واخد شروقنا
والحنين هاجر قلوبنا
والضمير جوانا مات
والسكات ع الحق
واجب شئ مقدس
مهما بدور الساعات
من سنين والأنين
مسجون سكات
والصراخ أصبح سجين
ف القلوب اصبح رفات
والمعاني ف كلمتين
بيع ضميرك
ائزي غيرك
شب دوس ع الرؤوس
عيش حالات
واوعى يوم يخدك حنينك
او ف يوم قلبك يرق
كله ماشي ف طبل ماشي
واي حلم ف يوم وهِد
واوعى يوم قلبك يلومك
عيش ونافق بس يومك
واوعى بكره ف يوم تلين
عيش وخون وهات بايدك
كل جرح الوان انين
والزمان مش وقت
موسي او هارون
راح زمان الصالحين
بس باقيه كنوز قارون
تحت خسف
كل ايه فيها نور
بس نفتح العقول
فرعون وعاش نمرود وعاش والكل مات
والشفاعه مش ف عرش
ولا ف كنوز
الشفاعه بقلب صافي
بدون نفوذ
او نفاق او رياء
او عينين
او عينين ع الحق
بس مكفوفين
اوعى يوم تتغر نفسك
او تقول انا ابن مين
في التراب الجيفه جيفه
والجسد ريحته كريها
حتى لو كنت الأمير
الحياة اول مراحل
كله راحل لو تدوم
هدّوم لمين؟
اصحي فوق من غرورك
بكره جاى جاي دورك
يوم ما تنزل ف التراب
واللى طبل واللى نافق
والله جاي جاي يومك
بكره اتي ف يوم حساب
والله اتى الحساب
بقلم الشاعر المصري
أحمد إبراهيم النجار
التعليقات مغلقة.