اناديلك بقلم الشاعر المصري أحمد إبراهيم النجار
اناديلك فى عز الجرح
اغنيلك واعيش ليلك
وارتلّك مواويلك
انا الدايب وأنا المشتاق
أكون نورك
انا الهايم مع الأشواق
بيخطفني صدى صوتك
ويحيني عبير عطرك
ويُسكني حنين شوقك
وآه يا كل أيامى
واه يا كل احلامي
يا طيبة قلب دقاته
نغم حبك
بعيش بالفرح اوقاته
مع حلمك
انا بيكي
انا فيكي
انا ليكي
ده انا الفارس
على حصنك
وانا الحامي
حدود قلبك
ولا غيرك ولا بعدك
يكون ساكن حنين قلبي
يا وطني الغالي
فى حدودك
وانا وطنك
يا شمس النور
بمشرقها على خدك
يا عطر ربيع
في اغصانه
فى ألوانه
في اشكاله
ف جمال حسنك
يعود الليل بأشواقه
يهل فى السما قمرك
واناديك
في عز الجرح
اغنيلك
واعيش ليلك
وارتلّك مواويلك
واعيش ساكن
حدود زمنك
انا المكتوب
على قلبك
وانا العاشق
جمال رمشك
حرير شَعرك
خدود وردك
جمال عينك
حنان قلبك
بنبض القلب اغنيلك
واعيش ليلك
وارتلّك مواويلك
واناديلك اناديك
بحبك
كلمات الشاعر المصري
أحمد إبراهيم النجار
التعليقات مغلقة.