قصيدة جريح حبك بقلم الشاعر المصري أحمد إبراهيم النجار
بتاريخ 18/6/2021
أنا ماشي
عن الأيام عن الأحلام
وعن شوقي
انا هسكن
فى ليل دامس
وهسجن فيكي
ده شروقي
يا شمس غروب
وبتغرّب
واعيش وهمك
يموت شوقي
ويهرب
حبك الجاري
في دمي وقلبي
وعروقي
غيوم وخريف
ونبض ضعيف
وتطلع صرخة
ف سكوتي
وتسكون
بين دروب جرحي
وبسمعها بصدي صوتي
جريح حبك مع الأيام
وأعيش أحلام
ماليها وجود
يضيع ضوئي
طريق مسدود
وسور عالي
وانا جاري
ومش داري
لفين راح اكون
يا جرحاني
بسيف نَاري
وتعباني معاكي كتير
واه
من حبك المجنون
يا جرحاني
وملكاني
وسحراني
وانا ف أسوارك العاليه
انا المسجون
واعيش ف كل اوقاتي
و بشتقلٍك
لأنا قادر
في يوم اهجر
خيوط حبك
ولا عاشق
اغيب عنك
ده انا الساكن
انا كونك
لا بغرُب يوم ولا قادر
ده انا مسافر
ف بحر عينيكي العسلي
ومتشوّق انا وشوقي
وانا الساكن ف احلامى
فى اوهامي و ف الواقع
واعيشك حلم ف سنيني
داخل روحي
وانا صاحي
وتصرخ فيا اشواقى
لأنا هارب ولا باقي
لأنا قادر اغيب عنك
ده حبك ساري ف عروقي
ولا مالك حدود قربك
انا المسجون
فى اسوارك ومتقيّد
انا اللى أسير
ومش سيّد
وحبك قوة مالها حدود
انا مهزوم
بسهم عينيكي العسلي
وحبك فيا متسيّد
على قلبي
على حبي
على فكري
يا نقطة ضعفي
ومحتله حدود قلبي
بعيشك حلم فى يومي
يا عايشه
فيا الماضي
مع الحاضر
مع امسي
جريح حبك
ومتشوّق انا وشوقي
كلمات الشاعر المصري
أحمد إبراهيم النجار
التعليقات مغلقة.