بزياده سُكات…بقلم أحمد زيدان
برغم إن
الحلم زايف
لِسانيّ بحلم
و رغم إن
الحزن كافي
لِسانيّ بضحك
برغم كل سفيه بيعلي
لِسانيّ تحت
لِسانيّ فرصه لظلم بَين
لِسانيّ هين
حياه رخيصه
ينهشها ظالم بجُرم لين
انا حالتي ،،،،،،
بتعب علي نفسي
علي راسي كتير ،،،،،،،
بتدق طبول
لِسانيّ انا بشفق ،،،،،،،
علي حالي
الصحه بخور ،،،،،،،،
و الفكر خمور
انا فايق دارى بحوليا ،،،،،
ولاانا بالفطره ،،،،،،
بقيت مسطول
مستني الفرحه ،،،،،
في الف طابور
اهي جات ماتجييش .
معلش خلاص .
انا راكب زيك قطر مفيش .
كلنا ب نعيش ،،،،،،
تكرار لحظات
بزياده سُكات .
موال الصبر ،،،،،،
فى لحن جفاف
بنغمس عيش ،،،،،،،
بالعيش الحاف
كلنا احياء لكن اموات .
الجوع مكروب ،،،،،،
و الجلد لحاف
الحق كفيف ،،،،،،،،
و اللوم خواف
بزياده سُكات
التعليقات مغلقة.