زى عادتك…بقلم أشرف الشناوي
زى عادتك
لسه بتعاند فى قلبك
لسه بتدارى فى هواك
شوف عيونك
كلها عشق وغرام
زى عادتك
مش هاترضى الانهزام
او تسيب قلبك يدق
الا لو دق انتظام
زى عادتك مش كلام
طبع فيك عشق الحمام
قبل مايلاقى الوليف
يلقى فى العش السلام
زى عادتك
كل حلم وليه حساب
كل وقت وليه ادان
كل خطوه بتبتديها
تحس فيها بالامان
زى عادتك من زمان
حتى لو قلبك ندهلك
تتقفل كل البيبان
زى عادتك مش جبان
زى عادتك
كل شئ عندك حدود
تحرسه دايما جنود
جاهزه ولا بشع حروب
قلب محمى بالبوارج
والقنابل والبارود
قلب لو حبك بجد
تلقى فيه فدادين ورود
زى عادتك
بحر بيهد السدود ………..
اشرف الشناوى
شاعر عاميه
البرامون
التعليقات مغلقة.