الحب يا ناس بقلم سيد جعيتم جمهورية مصر العربية
الحب يا ناس
جبار غدار
وأراره غويط
بير م الأسرار
بيهني قلوب
ويهين في قلوب
ومع أن الليل
ستار للبوح
بقيت مفضوح
مطرح ما أروح
زي المدبوح
تايه محتار
بين جنة ونار
دا انا كنت بعيد
مبسوط وسعيد
وف يوم العيد
صابني ف مقتل
ورماني بسهم
وقال كيوبيد
شغلي البال
شقلب لي الحال
قالوا عني الناس
ماشي بالمقلوب
والغالب تاه
أصبح مغلوب
ويمينه شمال
شارب من كاس
ما يشبعشي
حبيت جنيه
اصلها أنسيه
خدها تفاح
كفها متحني
القد جميل
والخصر نحيل
قالتلي بحبك
والحب جميل
أنا قلت زماني
ضحك من تاني
رضي عني خلاص
ونسيت أحزاني
وبقيت خيال
مع أفراحي
ومشيت سارح
وخيالي جامح
انقلب الحال
وريتني الويل
اشكال والوان
تقول تعبان
وصبحت عليل
وعيون الناس
ما بترحمش
التعليقات مغلقة.