في ايدك حبة البركه…بقلم مسعد البحراوي

في إيدك حبة البركة

وف عيونك أمان الكون
وسككك ع الدوام سالكه
وفيها بقيت أنا المجنون
لكنه جنان بلا ليلى
وبركاتك كانت للغير
امانك حيطه كت مايله
وسككك ماشيه عكس السير
ياقلب كبير
لكن قلبك دا مش ليا
‏كأني إبن جنيه
‏ومش محتاج لحنيه
‏فقومتي حادفه روحي ف بير
‏لقيتني ساعتها مستنظر
‏يمر عليا سياره
‏فيدلوا بدلو متقدر
‏يكون لنبوءتي سناره
ياسنيوره ‏و ياخِتياره
‏يااجمل من رأت عيني
‏وبيني وبيني بهواكي
‏جعلتك عرضي بل ديني
وكنت ‏النبض لهواكي
ووياكي
بنيت بيت من حروف الحلم
وقويته بعزيمه وصبر
طرحته سؤال لأهل العِلم
لاعرفوا ان كان علوم من جبر
ردودهم كسر
وكسر الشعر بيحير
خصوصاً إنه م الغُده
لاسال من قلب متحجر
ولا من فكره مرتده
تشم الورده وتكفر
ولوج الفجر
‏انا البَركه ودايره العاركه
‏جوايا
‏أغازل عودك الأخضر ؟
‏أم ارفع للعجاف رايه ؟! ..
‏
كلمات/مسعدالبحراوي