حبه …حبه بقلم أشرف الشناوى شاعر عاميه البرامون
حبه حبه
قلبي داب منك
محبه
طب سيبيه
لو حتى حبه
يستخبى فى اى
حته
قلبى سلم
ليكى نفسه
لما داق منك مشقه
شاف عيونك
نط منى فدق
دقه
كل مايقرب شويه
يلقى ردك
الف لاه
قلبى عايش
عمره ليكى
حبه بنا وحبه سقا
وانتى سايقه
وف دلالك
كل يوم ترميله
شقه
نفسه مره
يشوف سيادتك
او تكونى ليه
محطه
يستريح من
جراحه
او دموع مليانه
شطه
كل مايقرب ويجيلك
والا قلبه
بيناديلك
تطرديه دايما
ياقطه
يجرى ويخاف
من كلابك
جوا حضنك
يستخبى
قلبى داب منك
محبه
حبه حبه
بالمحبه يعيش له
حبه
لو صحيح عشقاه
فقولى
هوا دا نوار
لفولى
هوا دا اللحن
اللى ناقص
واللى طالع
من قشورى
عمره ماتزمزأ
فى مره
من جراحه وقالى
غورى
رغم جرحه
مش انانى
او نسانى بحب
تانى لو ثوانى
رغم دمعه بيقابلنى
بالغناوى
لو صحيح عشقاه
فقولى
ان عمره ماكنش
حاوى
وأنه نقط بالطاقيه
لما كان القلب
غاوى
لما داب منك
محبه
فرمتيه وسط
القهاوى ………………………
التعليقات مغلقة.