بتمرجح … بقلم أحمد زيدان البلياتشو

بتمرجح … بقلم أحمد زيدان البلياتشو

بتمرجح بالفكر يوماتي
من يومياتي المطحونه
من وقفه في قلب البلكونه
وفي قلبي زرعت الورد كتير
اخترت الشوك و بدون تبرير
بتمرجح و انا ماسك عمري
ليلي و قمري
و البنت الحلوه المجنونه
و قصادي الواد في البلكونه
عمال يتمرجح بعيونه
ب يهيم في جمال السنيورة
بمناسبة أن البنت حياة
جارنا اللي قصادنا مبيخلفش
كان نفسه في بنت
تقول باباه
بتمرجح و انا ساخر جدا
في اديا كتاب غدر الأحباب
فى عنيا كلام مقتول عمدا
يجي 100 مليون مره
بتمرجح وانا حظي معايا
شفت الاحلام بتقول باي باي
في عيون العانس مكتومه
مبكومه بتنطق بدموعها
حد سامعها لأ ما اظنش
بتمرجح و دموعي كتيره
علي شاب تملي يعوق والديه
علي فكره يا ناس
بطلت أعاتب كل الناس
و بعاتب ديما شيء فيا
متمسك ديما ب الطيبة
ولا مره لقيت الحنيه
بتمرجح علي حبلك يا حياه
ولا مره لقيتك سعداني
ديما موجع وبقول الاه
و جنابك ليه مش سمعاني