دمع الندى… حلم جديد بقلم أحمد زيدان البلياتشو

دمع الندى

علي ايه تسرح و تتآخر
في حلم جديد
ما بلاش تفرح علي الاخر
في حلم بعيد
قطرة ندى
صوت النداء
كان حضرتك
اهي جات ماتجيش
هات م الاخر
الدنيا غريبه بطبيعتها
بتلاعبك كيكا علي العالي
شغل تعالي
واراهنك علي عمري بحاله
لو جالتك يوم عشرين ماتجيش
سامع نداء ، قطرة ندي
عملت صدي
بصوت خفيف
ايه الجديد
ب يلمسك ، و يجننك ، و يجبرك
تملي ديما علي النداء
ياصبح قوم
اكشف غيوم
علشان نقاتل
حلم فات
يا صوت سكات
ياضحكة باينه مجلجله
في القلب ليه متمثله
قول انت مين
حلل غموضك
قبلا و اعرف
اصل النداء نابع منين
رايح لفين
فكيت رموزك كلها
ولونها
كشفت مصادر مزعجه
متنكره في قطرة ندى
وكات دموعي في الأساس
و الصوت صداه
كان وحدتي يا حضرتي
قول انت مين ؟