أرزاق
بقلم جمال ربيع
يابن آدم لماتبكي
لما تشكي
لما تنظر في الهلالْ
لماتفتح نِني عينك
لما تتنفس جمالْ
هو دا مش يبقى برضة
رزق يضرب كل مالْ ؟!
إن صِحيت وأكلت لُقمةْ
وإن ضحكت مع الرجالْ
أوسهرت ف صهرة حلوة
تحكي فيها مع العيالْ
هوا دا مش يبقى برضه
رزق يضرب گل مالْ ؟!
وإن سعيت وجِبت لقمة
من شقاكْ ومِن الحلال
تبقى طاير وانت راجع
يم بيتك بالمشال
هوا دا مش يبقى برضه
رزق يضرب كل مال
بين سكون الليل ونومك
والصباحْ بالإنشغالْ
تلقىٰ كل الناس تحبَّك
واكتفيت شَرّ السؤالْ
هوّا دا مش يبقى برضه
رزق يضرب كل مالْ ؟!
لما زوجتك تبقى راضيهْ
والنكد رِكِب المُحالْ
لو تقول تسمع كلامك
لوتغيب تبقى الوِصالْ
هوّا دا مش يبقى برضه
رزق يضرب كل مالْ ؟!
ارضا بالمقسوم وعِيشْ
خلّي قلبك م الجبالْ
اللي يرزق دودة في الحجر الأصمِّ
من غير افتعالْ
يبقى مش قادر يجيبلك
رزق يضرب كل مالْ ؟!
جمال ربيع
التعليقات مغلقة.