صدقنى بقلم حسن أبو عرب
صدقنى مبيمسحش دمعك غير ايديك
كل اللى حبيتهم ياقلبى فى شدتك داسوا عليك
فاتوك وحيد بين هجرهم ولا سألوا فيك
رغم جراحك والألم رغم الدموع اللى ف عنيك
لافى ايد بتمسح دمعتك أو غيرها بتطبطب عليك
صدقنى مبيمسحش دمعك غير ايديك
أيام ما كنت بقوتى كنت انا الغالى الحبيب
وكانوا يتمنوا وصالى واكون لهم أقرب قريب
كل دا نكروه فى لحظه والحمل بقى فجأه ديب
قلة الأصل اللى فيهم شئ عجيب
والخيانه اللى ف طباعهم شئ رهيب
فاوعه للدايب ترقع أو تقول للندل عيب
صدقنى مبيمسحش دمعك غير ايديك
كل اللى حبيتهم ياقلبى ف شدتك داسوا عليك
فاتوك وحيد بين هجرهم ولا سألوا فيك
رغم جراحك والألم رغم الدموع اللى ف عنيك
لافى ايد بتمسح دمعتك ولاغيرها بتطبطب عليك
صدقنى مبيمسحش دمعك غير ايديك
صدقنى مبيمسحش دمعك غير ايديك
……
التعليقات مغلقة.