هي كدا…دستور بقلم أحمد زيدان
وانت بتتعامل مع غيرگ
غني كلامك
دوق بلسانك
فصل كلماتك و ألبسها
حسها قبلا
طلع من جوفك عباراتك
تنشر ياسمين
افهم دستور البني ادمين
عمال بتحارب في مبادئك
و مساير كل اللي مضايقك
بلياتشو في دور طرزان طاير
في الدنيا السيرك علي الحبلين
انا بلعب كيكا علي العالي
مشاوير خاصه
عمري مناقصه
و الدنيا البورصه بتخسرني
قهوتي بشربها في اوجاعي
مظبوطه يا ضحكه بالقطرة
حنيت للحضن اللي يساعي
خنتيني يا دنيا بالفطرة
أما انتي يا دنيا عليكي حاجات
تسقينا الصبر في مر كاسات
و بخيله ديما في الفرحه
و مازال الحزن اللي مسيطر
ديما ب يكون الأشطر
القلب الخالي من الافراح
عمال في قسوتك يتمختر
الفكر الزايد عن حده
خالف عهده
السم الساكن في عسلنا
أكد علاقتنا المشبوهة
السم الزايد في قلوبنا
كسر علاقتنا المشروخه
أما انتي عليكي يا دنيا هزار
الجرح اتكرر 100 مره
و مازال القلب بيتعلم
هو المقتول عمره ه يصحي ؟
و القاتل عمره ما ه يتوب
طول ما القاضي ب يفوته حاجات
المجني عليه هيكون طيب ما
بقلم / أحمد زيدان البلياتشو
التعليقات مغلقة.