بينا ميعاد…بقلم أحمد زيدان
عن توهان ب يخطفني
و يخطف من عيوني النوم
عن راحه معنداني
و عن رحلة سنين فاتت
انا وهيه ، علي مخده
ب نتجمع و نتعاتب
لانا بوصل و اكملها
ولا بعرف أدوق النوم
عن ضجه
بتتهجي معاني الغد
عن الحد اللي ظالم حد
عن راحل بدون سلامات
و عن اعداء في دور اخوات
عن مظلوم بيترجي
و بيردد اكيد بكره
ه تحلالي و تتعدل
ياه علي رحلة قبل النوم
و ضرب دروب تفوت فيها
تكون رافض تعديها
لكن مجبور
وطول اليوم
ب يتجمع في ليل مكسور
معاك في الاوضه سماعه
و شماعه
معلق فيها اوجاعك
و تسمعها و تتبسم
تقوم الصبح گ العاده
معاگ القهوة بزياده
و سماعتگ مع فونگ
تسد الودن و التانيه
تعيش الوقت بالثانيه
وأخر ليل
تلاقي يادوب
معاگ في الأوضه شماعه
عليها الجرح بيعيشك
و اوجاعگ في لون بسمه
مع سيجاره ب تشربها
و دخانگ و احلامگ
مع النسمه
بتتمرحج
انا يا سهره ممنون لك
و متشكر كتير يا ليل
و مستني نهار بكره
ياريت يا ليل الاقي دليل
بقلم أحمد زيدان البلياتشو
اهداء لمن يسهر ، يتأمل خبايا وأسرار ، مرت دون الملاحظه
التعليقات مغلقة.