بكام تشتري الأحلام بكام…شعر أشرف الشناوي

تشترى
الاحلام بكام
والغلابه حلمهم
يسوى كام
طب دمعهم
طب جرحهم
لو نفسهم
وف حبة سلام
قول هتاخد
بس كام
ايه يفيدك
لو يموتوا
فى الف عام
او تسيبهم
عا المشانق
باحترام
لما يجى الصبح
يلقى
اى حاجه
م الحمام.قول
بكام
بكره ساكن نن
عينهم
غصب عنهم
دمع عينهم
هد حيلهم
والوجع طارح
قبالهم
يلفقوا فى جرح
القلوب
يرسموا فى الحلم
طوب
يزرعوا الورد
اللى فيهم
يطرح الشوك بين
ايديهم
وسط خلق
ومن عماهم
داسوا حتى النور
وراهم
سابوا ليل مليان
جراح
دغدغوا فينا
السماح
خلو فينا الحلم
يكبر
وسط أوطان
م الصياح
دقدقدوا فينا
الامانى
بعتروا حتى
الاغانى
سلمولنا الروح
وفاضل بس فيها
يادوب ثوانى
تشتروا
الاحلام بكام
واحنا هانبيع والسلام
وآن ضحكنا
يعنى مره
احسبوها كمان
بكام………….