نفسي اسأل قلبها…شعر محمود فوده
كـان نفســـي أســــأل قلبـــــها
أنا ابقـــى بالنسبـــالـــه ميــــن
يمكــــن احــــس فـــي ردهــــا
شــوق فيـــه حنـان لهفة عنين
فـي صوتها قولت شبــه الملاك
تريـــاق لقلبــــي وروحي دواك
بقى مستحيـــل فـي الدنيا دي
أعــيش وصعب عليـــا انســاك
إحـــساس جميل دوبنــي فيك
يا قمـــر النجــــوم بتغير عليك
معــــرفش إمتـــــه إزاى بقيت
بحلـــم أكـون فيها بين إيديك
دلوقتـــى قـــررت انــي اعيش
بشـــــــرط فيــها متبعــــديش
لـــو شمس قلبك عنــــي غابت
بغرق في بحر هواك ولا أجيش
يا قمر مسهــــرنــي الليالــــــي
معـــاك مقولتيش مـــره مالــي
كـــان فيـــن زمــان الحـــب دا
معقـــــول كدا غيــرت حـــالي
طب كنتـــي فينـك من زمـــان
من غيــر حبك ليــــن متــــهان
أبكــي بدمـــع العـيـن وادريــها
أصـــل انا واخـــــد ع الكتمـان
شفت ياريتــــك كنت صبـــرت
بكـــــره تشـوفها وأقــولك نلت
بس يـــا قلبـي إهـــــدي عليـــا
ولا عشـــــان قـولت اتحــــلمت
حِب وعيش فـــي الدنيا مالينا
ملناش فيها غير هوى بعضينا
إنت بتســــأل وانـــا بطمـــــن
يكفي سؤالك فيـــــها يحمينا
بقلم الشاعر محمود فوده
التعليقات مغلقة.