الشاعر رضا ابو شنب يكتب احنا الحرافيش
احنا الحرافيش
نحلم بالعيش
بنعيش ونعيش
علي اي مفيش
نزرع في الارض
نخدم في الجيش
ولا كنا في يوم
نلبس طرابيش
قاعدين نايمين
وبنلبس خيش
وبناكل فول
او جبنة قريش
من غير جناحين
ولا حتي بريش
بنحب بلدنا
لكن بشويش
ونضحي بروحنا
وهي تعيش
ولا نزعل منها
في لحظة طيش
ولا حتي نبيعها
بقرش حشيش
وفي حب بلدنا
نعيش دراويش
احنا الحرافيش
احنا الحرافيش
التعليقات مغلقة.