وإيه يعني…شعر نور حجازي
وايه يعني
باع ودي وودعني
وإيه هيضر
أنا قلبي شرب منك وداق المُر
بكيت في القرب أااه منك
خلاص الحزن هيبعني خلاص ويمر
واعيش عمري واشوف الفرح من بَعدك
حقيقي تعبت وانا جنبك
نزيف وجعك ماكان بيخف
ماكنتش يوم لقد الحب وقلبك جف
خلاص هرتاح
من الشوق اللي كان أشواك بتألمني
خلاص جرحي مع الأيام هايداوى وهايسبني
مش كل الجروح بتسيب أثر بالسلب
أكيد هنساك
أنا نسيتك خلاص بالفعل
مع بداية وأول حرف
ماكنتش غير في أيامي يادوبك ظرف
وعدى خلاص
حقيقي بجد مش هرجع وافكر فيك
ماعدش القلب مشتاقلك
ولابالي يسهرني
ولاعقلي ينادي عليك
ياوقت وعدى من عمري
ياماضي وكان
ماعدش في قلبي لك ذكرى
ولا دمعه و لاأحزان
نور حجازي
التعليقات مغلقة.