ماتقولش مسافر…شعر أشرف يوسف
ما تقولش مسافر وتفوتنى
من تاني لحيرتى وتعذيبي
إستنى شويه بلاش تبعد
وتسيبني لوحدى يا حبيبي
خايفه من الغربه ولياليها
وساعات البعد. بتألمني
لما انت مسافر دى الوقتي
فى غيابك مين هيگلمني؟
وانا عايشه ياروحى على
حسك
فى الدنيا بغرامك ليا
لو . تبعد مين هيطمني
وازاي راح أسهر لياليا؟
أنا بترجاك يا تاخدنى معاك
يابلاش تفارقنى ولا ثانيه
هيجيلك إيه لما تسيبني
أتعب واتعذب فى الدنيا
وانا راحتى بلاقيها ف راحتك
يا حبيبي وسيباك على راحتك
ليه بس بتجرحنى بشوقك
وانا عمرى ف ليله ما جرحتك
بتاريخ ٢٠٢١/٩/٤م
بقلم الشاعر ؛ أشرف يوسف
من ديواني شروق وغروب
التعليقات مغلقة.