الحُـر إيه غير روح بقلم مسعدالبحراوي
وهو الحُـر إيه غير روح
طليقه حتى لو في تابوت
حبيس وأسير وراسم دوح
مهيأ حاله إنه يفوت
لا بيسلم ولا بيخضع
لظُـلم الدنيا والأيام
ولا بيغفر ولا بيشفع
لجهل الأمه والحُـكام
وعايش نبضه بيسَمَّع
معاني الغُنه والإدغام
تُـرى. بيجيب منين إلهام؟!
واضح وصريح مع حاله
مِسلم ربه مواله
مفيش غير وطنه على باله
ولسه ف حلمه باقي كلام .
ياصاحبي الدنيا سمعت لك
رسالتك حَضَّرِتْ أبيات
حروفها بكت و غنت لك
لكن ماسِمعها غير أموات
مارُفعت عنهمُ الأقلام !
ياصابر صَبْـر ابوك أيوب
وكل مُـناك هوا فلسطين
سمعت كلام أبوك يعقوب
فساب جواك صلاح الدين
في قلبك عاش خطيب وإمام
ياواد حِطين بتتزين
بأشجار الزتون والتين
وفنجال الحياه بَيّن
وقال لها إنكم راجعين
على جناح الأمل راكبين
هتسقوا الأرض بالأحلام
فتطرح في الحنايا سلآم
التعليقات مغلقة.