زي ما هي عيشها
أسـمـاء الـبـيـطـار
كتير مننا بتيجي عليه مرحلة و يقف مع نفسه فجأة
فترات من عُمرنا سقطت و محسناش بيها
كنا ديماً مشغولين بمرحلة اكبر اللي إحنا فيها
في إعدادي و عنينا على ثانوي
في ثانوي و عنينا على الجامعة
في الجامعة عنينا على العريس
ربنا كرمنا و سافرنا امتى نرجع
و الله ساعات الناس تبقى وسطنا و نقول لو ماتوا هنعمل اييه ؟؟!!
و هكذا حتى تمر الأيام سريعة سريعة
و إن بقى معاك اولاد ما شاء الله طولك
حتى الولاد كنا مستعجلين امتى يكبروا
فقدنا اي متعة في كل المراحل اللي مرينا بيها
عشناها غلط و مالهاش رجوع للأسف و إلا هيتقال علينا بقى
طفولة مُتأخرة و مراهقة ما عرف ايه
طيب كان علينا بإيه من ده .
كل المراحل هتمر عليك بسلام بس انت للأسف ما عشتش بسلام مع نفسك و مع المرحلة .
كل مرحلة من عُمرنا ليها حلوها و مُرها ليها جمالها
فيها ناسها اللي ما تتعوضش من اهل و اصحاب و جيران
فيها هتبقى ذكرياتك اللي هتعيش عليها باقي عُمرك .
فيهاااااا انت .
ايوه انت مش حد تاني ما حضرتك روح بردوا محتاج تفرح و تعيش و تنبسط و تلبس و تشم نفسك من وقت للتاني مش عيب و لا حرام إنك تعيش كـ إنسان بيمر بمراحل طفولة و شباب و و و
و له مستني تحلم باللي كان نفسك فيه في ابنك و له بنتك
و له مستنيه تمارسي امومتك مع احفادك
عيشوا يومكم بسلام مع انفسكم و اتركوا الغد للغد .
التعليقات مغلقة.