مع حالگ…زي الجراحات كلها أقسام شعر أحمد زيدان
الوحده ساعات
بتكون أشخاص قاعدين حواليك
حبوگ ،، أو حتي اختلفوا معاك و عليك
لا وجودهم فارق من عدمه
واللي تعاهده
كان اكتر حد بيلعب بيك
إغتالك دفنك منك فيك
و تعيش الوحده كتير وكتير
مع إن الناس قاعدين حواليك
انا حاطط نفسي قصاد نفسي
و ب اراهن نفسي اعيش بعديك
و عملت جراحي لروحي طبيب
و بقيت بتعالج جزئياً
قلبي اللي تعود علي قربك
محتاج يتغير كلياً
محتاج لإعادة سوفت جديد
وكمان يتعالج نفسياً
انساك و اعملك شيفت ديليت
و اتخلص منك نهائياً
والله مالكش عليا يمين
انا كنت زمان لقمه طريه
لكن وحياة اللي جنيته
لتدوق القسوه الاصليه
انا كنت لغيرگ امنيه
ضيعت بإيدك معناها
انا هانت نفسي عليا كتير
لحظة تفكيري عشقتك يوم
حب التمثيل بيكون باين
والعيب مش بس على السايب
الواحد ياما زمان عايب
وكأني ملاگ و الكل شيطان
اتاريني ب اخيط في الدايب
ومفيش متخان إلا و خاين
دا مفيش حاجه اسمها بهواگ
ح انساگ و أكمل وحداني
ملعونه الذكري اللي في بالي
دا هواك الظالم و الجاني
خلاني كتبت خلاص هنساگ
كل الهاشتاج أوله شباك
بالتالي الدائرة بتتشابه
كلها اشكال و كلام ثابت
دواوين الشعر ماليها كلام
وكلام الشعرا بيتشابه
زي الجراحات كلها اقسام
بس الهاشتاج كله مشابه
بقلم / أحمد زيدان البلياتشو
التعليقات مغلقة.