آه ياني…قطر الحياة مر بسرعة كلمات أبو مازن عبدالكافي
أنا كنت فاكر و نسيتني
و كنت تايه و لقيتني
أنا كنت عايش مش عايش
ولا كنت حاسس بآلامي
قطر الحياة مَرْ بسرعة
وانا ع المحطة وعدَّاني
الدنيا صعبة ياناس كده ليه
دايما في حظي معانداني
و مرة صاحي من نومي
قايم وبلبس في هدومي
وببص أشوفني في مرايتي
فجأة لقيتني واحد تاني
الشعر شاب وبقيت مهموم
على وشي تجاعيد أيامي
صرخت صرخة طير مجروح
بعلو صوتي .. آه ياني
جَمِّدتْ دمعتي في عنيا
ليه يازمان قاسي عليا
طول عمري وانا عايش للناس
مالقيتش حد حاسس بيا
آه يا بشر قاسيين خاينين
أيام شبابي راحت علي فين
دبلتوا زهرتي في إديا
قطعتوا أوتار ألحاني
عايش ياناس دايما مظلوم
مجني عليه ويقولوا جاني
طيب هرد واقولكوا أيه !!!
ماقدرت أقول غير آه ياني
نزلت دموعي على خدودي
ولا حد حاسس بوجودي
ياعين خلاص سيلي وجودي
بالدمع واغسلي أحزاني
كفاية كده يا عنيا دموع
الرحمة بالقلب الموجوع
دأنا ياما قدت إديا شموع
وياما عشت سنين أعاني
ومهما قلت ومهما بكيت
ولا حد سامع لكلامي
ولا حد منهم قال نواسيه
و لا حد قدرني و جاني
رجعت أصرخ .. من تاني
آه يا زماني اللي رماني
وبقسوته وظلمه جفاني
آه ياني منك ” آه ياني”
كلمات أبومازن عبدالكافي .
عبد الكافي فاروق عبدالكافي بطل .
التعليقات مغلقة.