جاى بعد إيه…إنسى قلبي وانسى حبى بقلم محمود فوده
بعـــــد قلبــي ما انكســــر تســـــأل عليـــــه
بعــــد دمعـــــــي ما انصهــــر بتحــس بيـه
إنت إيــــــه قلــي انت قلبـــــك من حجــــر
ليـه عــاهـــدت قلبـــــي وخـــونتــــه ليــــه
مش مسامحـــك عــاللـــي كان بيني وبينك
إبعـــــد انت زيد فــي بعـــــــدي الله يعينك
إنسى أجــــمل شـــــئ ما بينا يا حـــبيبـــي
إنسى قلبــــي وانسـى حبــي احسن يهينك
الله يسامحك علــــــى الحنين و الذكــريات
عاللي ســاكن قلبـــي بعــــده قــولت مـــات
بندم واقـــول كان مالــي بس وقلبـي خالي
شغلت بالي وسبتني دلوقت ببكي عالل فات
مقــــدرش اداوي الجـــرح تانى ولو ثوانــي
الدنيــــــا عنـــــدي كأنــــها في غربة زماني
كل امــا الاقــــي الفـــــرح فيــــها محبنيش
أبكي وألاقـــي روحــــي فيــــها معذبانــــي
قلــي ليــــه سبت قلبــــي حـــزين يعانــــي
قلي ليــــه فيـــها سبتنـــي بكل المعــــانــي
قلـــــي فيـــن كلمــــة حبيبــي وحشتنــــي
لو فاكــــرها مكــــنش قلبك يــوم عصانــي
قولت لك مليــــون بحــــبك واشتــــــــريت
قلــي مين في الكـــون دا حبك واتعــــاليت
لـــو لقيته تبقـــــى من حقـــــك تبعنــــــــي
أوعـــــدك إنك يــــــا حبــــــي ما الــتقــيت
كله كان عايش بصــورتــه اللـــي ف خيالك
حبك انت عشـــان عيـــونك خـــدت بالك ؟
لمـــا حسيتـــه انـــــه خـاين فـوقت منـــــه
قـــولت فين الحـــب فين مش ده ســـؤالك
واللــــي كان بيحــــب صوتك من جمــــالـه
واللــي قـــــال بعشــــق سكـــوتك من دلاله
واللـــي عاشـــق فيك جـــمالك قلـــي مالك
لما حبي كان يصونك دُست على قلبي وقسيت
بس قلـــي ؟ قــولت ليـــه مخلـوق عشانـي
قلي مين غيرك انت جه وصحاني ف منامي
عيشت أحلـــــم بك واشـــوفك لمـا شوفتك
حضن قلبـــــك داب في قلبـــي ودق تانـــي
من ديوان دار الزمان
بقلم / الشاعر محمود فوده
التعليقات مغلقة.