ساعات الدنيا توعدنا… شعر السيد الشيتى
ساعات الدنيا توعدنا
وتفتح للأمل ميت باب
ولو قربنا تبعدنا
نعيش وكأننا اغراب
وناس بيحبوا سيرتنا
وف قلوبهم نعيش أحباب
وناس بيخاصمواسكتنا
وينسوا اننا اصحاب
وليه الدنيا شايفانا
ولا مره بتسمعنا
نتوه والسكه ناسيانا
ولو نوصل ترَجّعنا
ويوم ما الدنيا تهوانا
عيون الناس تودعنا
وايامنا بنطويها
ولا حاسين لها معنى
ساعات الدنيا تدينا
وتاخد كل شىء تانى
وناس شايفه ال ف ايدينا
وناسيه أى شىء تانى
وليه الدنيا واخدانا
وفيها كل شىء فانى
بنجرى وراها تنسانا
نشوف المُر ونعانى
التعليقات مغلقة.