غشيمه بجد بقلم أحمد زيدان البلياتشو
كلموها كتير عليا
فكروهآ باسمي ديما
فكروهآ و عرفوهآ
إن لسه غرامهآ فيا
لسه تفاصيلها الدقيقة
جد لعب هزار و ديقه
طيف خيالها قصاد عنيا
الف ثانيه في الدقيقة
خانة الذكري اللي فيا
و يا عشره و كام هديه
لسه عايشينك حقيقة
هي باعت خوف عليهآ !
و لسه بردو بحن ليها !
لسه بَسَكر من سيرتها
ولسه ضعفي مشتريهآ
كنا للعشاق روايه
فصلها كان النهايه
م البدايه !
م البدايه القصه واضحه
عينها مس ثابته ف مكانها
لحظة الخروجات معاها
طبعها بيخون هواها
زى سلعه و عرض سيما
قلبها دائماً يخونها
هي للامانه كانت
بورتريه ذكرى قديمه
هي ضحت بالنضيف
هي انثي مش سليمه
هي نبض و كان ضعيف
هي ف العلاقات غشيمه
شوفوا تفاصيلنا اللي كانت
عيشوا لحظاتنا اللي هانت
ورده حلوه في زرع قلبي
قلبي صآنها و هي خانت
حد مش فارق و فارق
و المهم القصه بانت
و هي بكل امانه خانت
ياللي كنتي في يوم حبيبتي
بالسلامه و عيشي وقتك
ياللي كنتي ف يوم بريئه
بالسلامه و بيعي نفسك
ياللي كنتي نيران صديقه
بالسلامه وشوفي حالك
ياللي في خيانتك جريئه
و قلبي بالأمانة صانك
عيشي وقتك ، شوفي حالك
ياللي كنتي في يوم و كانت
التعليقات مغلقة.