حكاية حرب شعر أشرف يوسف علي
العدوان دا حگاية حرب
گانت بينا و بين الغرب
يوم ما الريس قال يا ولاد
إحنا بقينا الليله ف گرب
أول حاجه طردنا الخونه
من أراضينا يوميه‍ا و قال
يلا نأمم بيگوا قنالنا
گلنا قولنا تعيش يا جمال
يوم سته و عشرين أممنا
ودا گان عام سته وخمسين
يومها العدوان قال مش
ممگن
نسمح بدا للمصريين
ه‍بطت قواته‍م على سينا
و ا تجه‍ت على أغلى قنال
يا سوايسه عايزين اله‍مه
قالهالهم باللفظ جمال
دي مؤامره مش بس دي
حرب
و اتفاقيه و جت م الغرب
قدامه‍ا لازم نتحمل
و ان شالله ينزاح الگرب
ه‍ات إيدك يا شويش فى
إيديا
و اتفرج عالبورسعيديه
بلد اللى يموت على أراضيها
من أعدائها مالوش ه‍نا ديا
قاموا و گل قلوبهم واحده
عارفين إيه وطنيه و وحده
قتلوا قادتهم قبل جنودهم
و الناس گانت شايفه وشاه‍ده
ودا گان فخ و حرب شوارع
ما سابوش فيها لا بيت و لا
شارع
گان گل اللى يقع فى إيديهم
تعرف إنه خلاص مش راجع
من ه‍نا جه إنذار من( موسگو)
باستخدام قوه نوويه
فى تلاته نوڤمبر گان يومها
ه‍ددوا بالحرب العالمية
مللى شافوه عرفوا انه مؤامره
قاصدين بيه‍ا المصريين
قالوا خلاص لازم نتدخل
خدنا قرارنا و مش راجعين
و انسحب العدوان من مصر
يا سوايسه و يا بورسعيديه
دى حگايه و تاريخنا يا سينا
بيقولها للإسماعيليه
و رجعنا و أممنا قنالنا
و اتحقق بالنصر أملنا
و الريس شيلناه على راسنا
من يومها و الخير أهو جالنا
و ساعتها الدول العربية
عرفت إيه معني الحريه
قالوا جمال دا زعيم الأمه
و سبب وحدتنا الوطنية
وسبب وحدتنا الوطنية
الخميس بتاريخ ٢٠٢١/١١/١١م
بقلم الشاعر / أشرف يوسف
من ديوان ( وطني حبيبي )
التعليقات مغلقة.