بور سعيد الباسلة …
إمام سراج
قصيدة عامية بعنوان
بورسعيد الباسلة
الإسم/إمام إبراهيم سراج
العنوان/شنفاس أجا دقهلية
………
بورسعيد الباسلة
………………….
دقت طبول الحرب
والنصر له لذة
قوم يا رفيق الدرب
شاركنا ف العزة
المصري أقر وحلف
ما يعرف الهزة
صامد تملي وأسد
ف الحزة والجزة
….
لم العدا شمله
وقصد بلاد حرة
لا بترضى يوم بالضيم
ولو عاود الكرة
ورجع بخيبة أمل
مصحوبة بمعرة
…….
هجموا تلت شياطين
عليك يا فرما
يا أم للملايين
صامده ومحترمه
……
مسيحي مع مسلم
وقفوا ف وش النار
ذلوا العدا تسلم
أياديهم الأحرار
وقف الجميع مع بعض
وقفة راجل واحد
صانوا التراب والعرض
ونصرهم الواحد
……
نصب الجميع ملحمة
سجل وقول يا تاريخ
طرنا ولمسنا السما
بإيدينا والمريخ
لما هزمنا العدا
ورفع الإله راسنا
دا تاريخ وبندرسه
ف كتاب لمدارسنا
فوق يا لبيب واعرف
العزة دي أساسنا
……..
عدوان دا واتسمى
ثلاثي كان غدار
واللي ما يتسمى
فتح علينا النار
كان فاكر إن البلد
معدومه م الأحرار
….
بلدنا يا غاشم
حرة وولادة
فيها الصمود أصبح
لشعبنا عادة
وأدي بورسعيد رسمت
على صدرنا قلادة
حرة يا بلد الخير
وحلاك بزيادة
……….
إمام سراج
التعليقات مغلقة.