انا بحتج بقلم احمد زيدان البلياتشو جمهوريه مصر العربية
أنا الإربه اللي متشاله علي راسي و مخرومه
أنا القطر اللي قام ماشي و ساب احلامي مرسومه
انا اللي حجزت تذكرتين علي الاخلاص
انا الخالص من المعروف و م الاحساس
و شيلت الإربه فوق راسي
ب اوزع جبر ع الطيب و ع العاصي
انا اللي جبرت كل الناس
ولا ظنيت في يوم ابدا
يكون ف الإربه احساسي
انا اتعلمت متأخر بإن العمر كله نصيب
يفوت بكره ومن تاني احاسب نفسي ع المشاريب
انا العشره اللي متهانه و ياما اتغيروا ياما
انا الماضي اللي عاش يضحك علي نفسه
حياتي ماشيها كر و فر
أنا إنسان يخاف الله و فيا النفس لوامه
انا اللي ب احلي بالمره عشان الحلوه نسياني
أنا المقسوم علي الدنيا و مش قابل اعيش تاني
انا كوكتيل كلام معسول لكن خالي من السكر
و شكلي و هيئتي فرحان لكن عايش حزين و اكتر
انا كوكتيل بطعم حروب انا الغالب و أبان مغلوب
وم الاخر عشان تفهم انا اللي عايشها بالمقلوب
التعليقات مغلقة.