مالناش نصيب بقلم شيماء عادل
لكن الوداع مش هو آخر حلمنا
ولا هو مأساة عمرنا
أنا لسه جوايا الأمل
يحضن دموع الاشتياق
ترويها أغصان اللقا
بشموع فرح
قلبي الدهب مدهون بلون الفرح
ساعة ما يلمح طلتك
بحضن بقلبي نظرتك لو من بعيد
أنت أنا
اتنين بيجمعنا الهوي
وياك أنا بصبح ف عيد
اياك تطاطي للجراح
واللا الوداع يهز فيك نظرة عنيك
الفرحة حالفة تضمنا ف ساعة لقا
خلي الامل جوه الليالي جنين بيكبر من سكات
وعد اني اعيش العمر بستني اللقا
وان شعري شاب
مولودي هيكون اللقا بعد العذاب
التعليقات مغلقة.