ع الأسفلت …
أبومازن عبدالكافي
“ع الأسفلت”
……………..
قوم يا حبيبي بَأَه
مكتوب عليك الشَّقَا
فيها ناس كتير عايشين
وحالتها مِتْرَسْتَأَة
وبيصرفوا ملايين
ع المُتعة والشبرَقَة
بيبرطَعُوا عَرْبَدَة
في شرم والغردقة
وأنت ياكبد اُمَّكْ
بِتْلِفْ في الشرنَقَة
في الْحَر ع الأسفلتْ
رجليك كِدَه مْبَرْبقَة
عرقك شرف يا ولد
إوعاك تعيش سَفْلَأَة
رَبَّكْ عَليك مُطَّلِعْ
هيعوضك ما بَقَى
اِرفع إِدَيك للسَّمَا
يِقْرَبْ لَكْ اللي نَأَى
………
أبومازن عبدالكافي.
الأربعاء 17/11/2021m
التعليقات مغلقة.