ميت فركشه شعر فكاهي بقلم الشاعر أشرف يوسف
تناسينا الطرب الأصيل فگتبت قصيدتي هذه إعتراضا على ما تشهده الأغنية الحديثة من گلمة
و لحن بزعم التقدم و الازدهار
فيالا العجب لتلك الحضارة
العريقة !!!
غنوتنا ميت فرگشه
لشاعرنا بو العفاريت
إسم المقام ( خرفشه )
للموسيقار براغيت
فرقة آدوم أبو زلط
لگراسي جنب الحيط
و المطرب المشهور
نطاط فى قلب الغيط
و مايسترو إنما
معرفش إسمه نسيت!!!
و العزف گان منفرد
بالرفس و التنطيط
و الرزع فوق الحلل
بقى مندبه و عيييط
و الراقصه شخلله
مقضياه‍ا صويت
و المطرب اللي اته‍بل
گان شگله جد عبيط
واخد الغنا خربطه
و عامللى فيها أليط
و الدنيا م الهلوسه
إتلخبطت لخابيط
و لا عاد گلام نسمعه
و لا لحن اقول حبيت
أنا رحت سأله سؤال
يمكن فى شگله بسيط
لما انت صوتك وحش
طلعت ليه غنيت؟!!!
قاللى الغنا فه‍لوه
و بعيشه بالتقسيط
و ان گنت عايز طرب
روح من هنا عالبيت
و سيبنا ناگل عيش
و بلاش نقول حواديت
أنا قولت ياللأسف
ندمان ياريتني ما جيت
و ان گنت أعرف گده
گنت ف ثواني جريت
و لا يقولوش الطرب
بقى شغلة العفاريت!!!
الثلاثاء بتاريخ ٢٠٢١/٤/٢٠م
التعليقات مغلقة.