ياريت الشتا يغسل قلوب الناس …
السيد الشيتي
ياريت الشتا يغسل قلوب الناس
شعر السيد الشيتي
ياريت الشتا يغسل قلوب الناس
و يصحى كل الضماير
ويطهر الاحساس
ويمحي ظلم البشر
والعدل يبقى اساس
يصحا الأمان ينتشر
يبقى الإيمان نبراس
ياريته يفوت
على نفوسنا يزكيها
ويزيل هموم الزمن
يمحى خطاويها
يمسح سواد القلوب
اللى بيعميها
ويروى شجر الإيمان
ال انعدم فيها
ياريت يافصل الشتا
تخلع جذور الغل
وتداوي مرضى النفوس
من الهوان والذل
نزرع سنابل خير
والحق نوره يطل
يسكن قلوبنا سلام
والعدل يبقى ظل
ياريت نشوف الفقير
ونحس بعذابه
عايش كأنه ضرير
مقفول عليه بابه
ف البرد يبقى اسير
تاه عنه احبابه
ياريت يعود الضمير
ونحس بغيابه
التعليقات مغلقة.