ارجع لأحبابك شعر أبومازن عبدالكافي
بسلامة النيَّة
بَنيت لُه بِنِّية
وبدَرْت فيها الْحَبْ
وناديت عليه بالْحُبْ
…………
وشاورت بإديا
لكن ماجاني رد
امتى تعود ياحمام ؟!
ويعود معاك الود
………..
عود يا حمام الحمى
ليه بس هاجِر حينا
و تلاقي فين يا حمام
عِش زي عِشِّنا
………
يا حمام بلاش الغياب
البعد عنك عذاب
قلبي بحنينه داب
عطشان لحنية
………..
طولت ليه غربتك
وبعدت ليه سكتك
ارجع لأحبابك
هتلاقي هنا دنيتك
……………..
التعليقات مغلقة.