جاري ياجاري …
أبومازن عبدالكافي
جاري ياجاري
يالي دارك في داري
وطول عمرك معايا
في فرحتي ومراري
لو غبت مرة عنك
بتسأل أيه جرالي
وتيجي أوام تزورني
وألاقيك قاعد قبالي
بتخفف عني همي
وبتراعي عيالي
انت الحبيب الغالي
يا أعز الناس ياجاري
ليه اتغيرت مني ؟!
وبقيت نفسك تداري
تشوفني تستخبي !
حتي بعد العصاري
وأنت اللي كنت تيجي
وتقولي انزل يا خالي
اقعد معايا حبة
يمكن يحلالي حالي
وتفضفض باللي تَعْبَكْ
وانا اقولك لا تبالي
بُكرة هتروق وتحلَى
ونقضيها تسالي
للمغرب لما يدن
و النجمة تبان تلالي
أنا نفسي ياصاحبي ترجع
وتدور تاني ف مداري
ونطير مع بعض دايما
ونرفرف في العلالي ٠٠٠٠٠٠٠٠٠٠٠٠٠
** أبومازن عبدالكافي .
الأربعاء
1/12/2021m
التعليقات مغلقة.