حفيدى الحبيب… شعر السيد الشيتي
حفيدى الحبيب
بقيت امتدادى
وفرحة ودادى
ومالك فؤادى
وصورتك في عينى
لايمكن تغيب
ياأجمل هديه
من المولى ليا
ياتكريم سماوى
يانسمه تداوى
عذاب اللهيب
حبيبى ناداني
بصوت شكل تانى
وصوته ف ودانى
كأنه اغانى
بيسعد حياتى
يصالح زمانى
يرن ف ودانى
بصوته العجيب
بحس بسعاده
وجرحى يطيب
دا صوتك حبيبى
حفيدى الحبيب
حفيدى ال خلاني
احب الزمان
واغزل خيوط
المحبه حنان
بشوفه بحب الحياه
لو عذاب
وصوته يرجّع لى
عمرى شباب
بيضحك بتضحك لى
كل الحياه
وبنسى عذابى
و روحى معاه
بيبكى بشوف
كل ضعفى ف عنيه
وبحزن وقلبى
يطبطب عليه
بشوفه واسافر
كأنى غريب
لأنه حبيبى وحفيدى الحبيب
التعليقات مغلقة.