تصبح علي خير بقلم أحمد زيدان البلياتشو
أجمل لحظات بتعيش فيها
لما بتتصالح مع نفسك
نظرتك الصح لبعض الناس
و تفارق كل اللي ينافقك
اروع احساس بتحسه ساعات
حسن التقدير
اوقات الصح لبعض الناس
بيكون تقصير
تقصير مع نفسك و سنينك
و الحظ الحلو اللي يعينك
إن انت تفوق
من حب الناس ال بايعينك
البعد هو الحل الأمثل
لعلاقه عاشت مشروخه
و الشيخوخه
بتجيلك وقت سباق خسران
و تراهن طول الوقت عليك
و الصبر سنين سرقت لياليك
العرض الاول في السهره
لحظة تلفونك ما بيفصل
بتعيش الوحدة بحذافيرها
من اوضه لصاله لرزعة باب
وحياتك تعلن عصيانها
ولافيش ولا حاجه بتخلص ليك
غير التلاجه و كيس البن
و بتكبر رغم صغر سنك
و تعيش شيخوخه ب إحساسك
علشان خذلوك اقرب ناسك
وعشان خانك سوء التقدير
اصحابك هما تملي اتنين
تلاجه و ميه تبل الريق
و رفيقك فنجان القهوه
وانا ضيف و داخلك علي سهوه
التعليقات مغلقة.