حائية حب كلمات :أبومازن عبدالكافي .
حبيبي ياناس .. وانا أميرتُه
حَايِلْتُه كتير وسَايِرتُه
حياتي ف ضِلُّه لها معنى
حاربت الدنيا ونصَرْتُه
حكالي ف مرة عن حُبُه
حجز في القلب مَنْدَرْتُه
حِلِفْت أسُكّْ قلبي عليه
حميتُه ف قلبي من غِيرتُه
حواني جُوة في عيونُه
حضنَّا الليل و سَهَّرتُه
حرقنا دستتين م الشمع
حلاوة الشمع في ليلتُه
حرارة حبنا بتزيد
حرارة عشق أنا أسيرته
حبيبتي .. عايشة حلم جميل
حقيقي أتمنى لو نُلتُه
معاها بلاقي نفسي أمير
حبيب حاسس بمَنزِلتُه
حكاية حب عُذرِيَّة
أمل في القلب صَوَّرتُه
حنان وحنين يِدَوبْني
حبيبتي غرامها قدَّرتُه
حرام القلب يبقى وحيد
حبيس في هواه مع حِيرْتُه
حلال الحب يجمعنا
حَوَى آدم مع حَوَّا
تاريخ الحب في مسيرتُه
………………
التلاثاء 7/12/2021m
التعليقات مغلقة.