غياب الشعر خوف …
مسعد البحراوى
غياب الشعر عنى انا خوف
من التقصير في حق الحرف
في بالي وفي الفؤاد بيطوف
وعايش فيا حال مع ظرف
لكن قلمي عمل مقصوف
وعقلي الصف زاحم صف
عايز أصرخ لكن مكسوف
يقولوا عليا عقلي اتهف
تعالى يامعنى طُل وشوف
وشوف معانيك في مليون رف
لاهحسب لك أنا المحذوف
ولا اللي من البحور اتشف
كلام إذا متبدرش سيوف
فيعصى عليه الفؤاد والكف
لازم حرفاً يكون معزوف
ووجع القلب منه يخف
وديماً يصنع المعروف
يخلي النبض له يهتف
موسيقى عريقه ولا بيتهوف
على الأوتار بتتفلسف
وديع طيب هواه معروف
وكل الخلق بيه تحلف
انا وأجيال ياشعر ضيوف
ومهما كتبنا ونألف
وصفينا المعاني صفوف
هنرجع لك ونتأسف
ياشعر انت الدوا الموصوف
وفوق كل القلوب تعزف
وبترد الهوا المخطوف
سواقي تدور معاك وتلف
بتتفصل حرير من صوف
طموح فيك عالي ومالوش سقف
ياطير طاير بريش منتوف
بلاش تسمع لأهل الكهف
وتمسح لـِ القوافي حروف
في روح المعنى تستنزف
مسعد البحراوي
التعليقات مغلقة.