زمان يا طرب شعر مدح فى موسيقار الأجيال محمد عبد الوهاب بقلم الشاعر أشرف يوسف
من ديوان شاعر ومشاعر
نغم عودك سحر قلبي
و صوتك گان بيشجيني
ورغم انك سافرت خلاص
لگن فى الحلم بتجيني
في گل مگان بشوف
صورتك
و گل زمان يجيب سيرتك
و قالوا الفن له أعلام
و من بينهم أنا اخترتك
صحيح فنان و متربي
علي الأنغام بأوتارك
ه‍واك حسيته من صغري
و مال القلب و اختارك
زمان يا طرب و مين ينسي
جميل اللحن وه‍ابي
و انا اللي عشقت نحنحته
فى يوم ما الشوق فتح بابي
و قولت الله و گان صوته
مع الألحان بيشجيني
و بالنه‍اوند قام غنى
بفگر في اللي ناسيني
خلع قلبي بإحساسه
و تشهد له دموع عيني
زمان يا طرب و گان دايما
يلعلع صوته في وداني
و لا قادر في يوم أنساه
و لا نغموا بينساني
و گل ما غنى غنيته
بصوتي و قولته بلساني
و بتمني و لو في الحلم
يرجع لينا من تاني
و اقابله و بحنيني إليه
ألاقي عينيه مقابلاني
و اقول للگل دا الأول
و في الألحان مالوش تاني!!!
وفي الألحان
مالوش تاني
الأربعاء بتاريخ ٢٠٢١/١٢/٨م
التعليقات مغلقة.