منتاش نَبِى …
حسن أبو عرب
منتاش نَبِى !!
منتاش نَبِى
ولا مذهَبَك كان مذهبى
ولا كُنت أبدا مطلبِى
او كنت يوم المُبتغى
يامَن بَغَى ما أحقرك !!
يا اللى اتخدعت بمظهرك
طبع الخيانه فى جوهرَك
ما أتعس القلب الصبى!!
قلبى اللى صدَّق يوم هواك
ملهوش تجارب فى الهوى
لما هوى
أصبح فريسه فى الشِّبَاك
ياشٔطَان ولابس تُوب ملاك
الجنه وياك الهلاك
نَيزَك وقاصد كوكبى
دا القلب رغم عِلِّتُه
كانت براءتُه وعفتُه
هِىَّ دليلُه وسكِتُه
ولا هَمُّه لَوعِة مُهجِتُه
بإديه ودَارَى دمعِتُه
ياروحى م الوهم اهربى
يَلَّا ارسمِى
فُوق الشفايف ضحكِتِك
ومِدى ايدِك بالأمل
تِطرَح جنايِن جنِتِك
يَلَّا اقطُفِى حِلم اكتَمَل
ودُوقِى تريَاقُه النَدِى !!
التعليقات مغلقة.