مستحيل بقلم بنت النيل خضره ابوليله
لسه العيون العاشقه
فى نفس المكان
من الف ساعه
والف دقه
من قلوب العاشقين
لسه السنين وقفه وعجوزه
مكبله جرح الفراق
لسه الشوارع
والحارات
والأماكن كلها
مشتاقه تجمع بين خطأوى
حلمنا
لسه انا
لسه الدموع متحجرة
من كام سنه
نفس الالم يولد الم
موجوع بيصرخ فى الفضا
يفرك فى مارد لقلوب العاشقين
شبيك لبيك
عشقك محال
قلبك لايمكن يتنصف
اطلب احقق مطلبك
غير أن حلمك احققه
وان قلبك يستريح
رغم العيون سارحه
وطاله فى البراح
الحب راح
ومستحيل انى احقق مطلبك
التعليقات مغلقة.